Dalin shifrat e 24 oreve te fundit/ Italia në gjunjë… bilanci i jeteve te humbura rritet cdo dite e me shume.

0
1104

Italia vijon të shpërndajë dhimbje për shkak të koronavirusit të ri me origjinë nga Kina. Ora 18:00 e pasditeve në vendin fqinjë është kthyer në një moment heshtje kur kreu i Mbrojtjes Civile, Borrelli jep të dhënat e fundit në vend si pasojë e epidemisë.

793 persona kanë humbur jetën në 24 orët e fundit në vendin fqinjë duke e çuar në 4825 në total numrin e viktimave, një numër ky që bën të përlotet këdo. Rastet e të prekurve të rinj u rritën me 4800 në një ditë dhe në total arritën rreth 43 mijë

Zona më e prekur nga Covid-19, vijon të jetë ajo e Lombardisë, ku sipas autoriteteve zyrtarë ditën e fundit kanë humbur jetën 546 persona.

Vendi po përballet dhe me një nevojë të shtuar për staf mjekësor dhe kryeministri Conte një ditë më parë nxorri thirrjen për të gjithë mjekët jashtë sistemit që duan t’i bashkohen një Task Force për të luftuar këtë armik të ri. Thirrjes deri në këto momente i janë përgjigjur mbi 3500 mjekë.

Autoritetet shëndetësore u shprehën një ditë më parë se pikë në Itali do të vijojë dhe për disa ditë dhe do të fillojë të ulet gjatë javës së ardhshme. Për këtë arsye në shumë rajonë janë ndërmarrë dhe masa më të ashpra ku autoritetet nuk lejojnë më njerëzit të dalin xhiro apo nëpër parqe.

Previous articleAshpërsohen masat për qytetarët, ushtria zbret në rrugët e Tiranës! Mbani distancë nga njëri tjetri (Video)
Next articleTrump njofton zbulimin e kurës kundër koronavirusit: Të futet në përdorim menjëherë, lëvizni shpejt